هلا باللي سرق نومي وخلاني سهير الليل
هلا بك كثر ما خيم علينا الليل بسكـــــــونه
هلا بك وان بغيت الصدق مشتاق اللقا بك حيل
عليك من الوله قلبي حزين ويعزف اشجــونه
أحبك كبر هالعالم ومن فرقاك ذقت الويـــــــــل
ياليتك ترجع لخلك تشوف الشوق بعيــــــونه
أحسك في سما عمري تنور مثل نجم سهيل
بدونك ينطفي ضوي واعيش الليل بجنـــــونه
سقى الله يوم انا وياك نبكي والدموع تسيل
سقى الله قلبك الوافي وكيف اعيش من دونه
حبيبي والله ان قلبي يشيل الشوق يمك شيل
دخيلك ارجع وخيب هقاوي الليل وظنـــــــــونه
***************
خالص التحايا
الأربعاء أبريل 06, 2011 4:21 pm
