كلمة هزت الليل ...!!!

يا الليل تكفى .. كلمة هزت الليل
من شاعره بحروفهـا تشتكيلـه
كلمة مثل ماقيل هزت رجاجيـل
هزت مشاعر شاعـرن تنتخيلـه
لبيه ياقلبن شكـى قلـة الحيـل
يشكي علي الهم وأبي اشتكيلـه
ياما شكينا ليل واقفى بنـا ليـل
يا طول مسرانا ولا من حصيلـه
وياما تعبنا نعدل الحـظ ويميـل
الكل منا شـاف بالوقـت ميلـه
وإن كان قلبك شال هم وغرابيـل
انا بقلبي هم مـا أقـدر اشيلـه
وإن كان دمعك هل مثل الهماليل
وحارت دموعك بالعيون الكحيله
دمعي تحدر من عيوني كما السيل
من زود مابي هده الهـم حيلـه
لا شك نصبر دامهـا بالتساهيـل
ما دام سلم الحال هذي الحصيله
وان كان باقي من ردود ومراسيل
لعيونك افزع وانتخي وارتكيلـه
ورد الوفاء مني بفزعت مواويل
ومن عادتي رد الجميل بجميلـه