مزيكا ميكس
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةالبوابةأحدث الصوردردشة المنتدىالتسجيلدخول

 

 خد المجنونة بنت العاقلة و ما تاخدش العاقلة بنت المجنونة

اذهب الى الأسفل 
5 مشترك
كاتب الموضوعرسالة
OKAKA
المؤسس

المؤسس
OKAKA


ذكر
العذراء
مساهماتى : 3759
نقــاطـ التميز : : 14652
انا مسجل من : 08/02/2011
عمرى : 28

خدمات المنتدى
مشاركة الموضوع: okaka

خد المجنونة بنت العاقلة و ما تاخدش العاقلة بنت المجنونة Empty
مُساهمةموضوع: خد المجنونة بنت العاقلة و ما تاخدش العاقلة بنت المجنونة   خد المجنونة بنت العاقلة و ما تاخدش العاقلة بنت المجنونة I_icon_minitimeالأربعاء مايو 18, 2011 10:01 am




ابراهيم ابراهيم قوم اصحى يا هيما

نعم عايزة ايه يا أخرة صبرى

قوم اصحى يا حبيبى

ليه هى الساعه كام

4.30

يعنى انا اتخمد الساعه 4 و تصحينى 4.30 ليه يا ظالمه ما انا قايلك صحينى الساعه 8 على الماتش

طب ما انا باصحيك من دلوقتى علشان تلحق الماتش يا حبيبتى

يا رب عوض عليا عوض الصابرين يا بنت الحلال الماتش هاشوفه فى الصاله مش فى الاستاد

عارفه بس علشان تلحق تروح مشوارك و تيجى بسرعه قبل الماتش

مشوار ايه

تروح لماما

ليه

تروح تجيبها و تيجى بسرعه قبل الماتش

اجيبها منين و اوديها فين

ابراهيم بطل دلع يا حبيبى و قوم بسرعه انا كويت لك هدوم خلاص

و الله ما باتدلع انا بس عايز اعرف هاجيبها منين و اوديها لفين

هاتجيبها من بيتها طبعا علشان هاتيجى تقعد عندنا شوية

تقعد ليه بقى

انت نسيت انى حامل يا حبيبى

لأ ما نسيتش بس هو انتى تعبانه و لا ايه

لأ الحمد لله انا زى الفل

امال هانتعب طنط ليه

يا هيما هاتيجى تقعد معانا لحد الولاده

ولادة مين ده انتى فى السادس يا حنان

اه ما انا عارفه بس انت شوفت مها بنت عمتى ولدت فى السابع

طب و انتى مالك

يا سلام يا اخويا افرض ولدت زيها فى السابع يبقى ايه العمل بقى

طب هافترض انك ممكن تولدى فى السابع رغم ان الدكتور قال ان الحمل طبيعى و انك زى الفل انتى و البى بى طنط تيجى تقعد معانا ليه

علشان لما يجيى لى الطلق تبقى جنبى و نجرى بسرعه على الدكتور

طب و هو الطلق ده بيجى فجأه مش ليه علامات

يا ابراهيم ما انت شوفت مها كانت هاتموت هى و النونو بتاعها علشان ماحدش لحقها بسرعه

ما اختلفناش بس ده لأن مها عايشه لوحدها فى محافظة تانية و جوزها مسافر لكن
احنا بيننا و بين بيت مامتك نص ساعه زحف يعنى برنه ممكن تجيلك

ابراهيم ما تخنقنيش انا حامل و انت عمال تعصبنى على فكرة و انا ماسكه اعصابى عنك بالعافيه

طب اهدى يا حبيبتى بس استفسار اخير هو مش كان اتفاقنا انك هاتروحى تقعدى عند مامتك و اننا مش هانشحططها

ماما قالت مش هاينفع طبعا

ليه بس

انت عارف ان خالد اخويا فى ثانويه عامه و بصراحه ابنك ما بيبطلش شقاوة و مش هايخلى خاله يعرف يذاكر

هو خالد يعنى فالح قوى ده اللى فى سنه مخلص جيش

اخص عليك يا ابراهيم انت بتتريق على خالد طب ايه رأيك بقى احنا املنا فيه كبير قوى السنه دى

بأمارة ايه يا حنان دى تالت مرة ثانويه عامه

ما هو علشان كده دى تالت مرة بيذاكر نفس المنهج يعنى بقى خبرة خلاص

ماشى يا حبيبتى ربنا معاه بس باباكى هايرضى طنط تسيبه و تسيب خالد 4 شهور بحالهم

ما تقلقش بابا موافق و بيقول كله يهون علشان خاطرى

ماشى هاروح اجيبها و امرى لله




الله يرحمك يا امه طول عمرك تقولى لى خد المجنونه بنت العاقلة و ما تاخدش العاقلة بنت المجنونه ادينى اخدتها مجنونة بنت مجانين



وصل ابراهيم بيت حماته


ازيك يا عمى

اهلا يا هيما ازيك يا حبيبى و ازى حنان و احمد

كلهم كويسين يا عمى امال طنط فين ؟

بتحضر شنطتها و جايه على طول

طب و خالد

فى اوضته بيذاكر

طب هادخل اسلم عليه على ما تستعجل لى طنط

و دخل سلم على خالد اللى كان قاعد كالعاده على الفيس بوك و منفض للدنيا كلها و طلع لقى حماته محضرة شنطه ممكن تهاجر بيها

هاتنورينا يا طنط

ده منور بأهله يا حبيبى

معلش بقى يا عمو بس انت عارف دلع حنان انا لو عليا مش عايز اتعب طنط و الله و عايزها تفضل معاك انت و خالد هنا

لا يا حبيبى ده كله يهون علشان حنون ابقى سلم لى عليها كتير و بوس لى احمد

حاضر يا عمى

و بيبص وراه لقى حماه بيرقص من فرحتهGrinGrinGrin


اه يا امه على حظىFrown




بعد وصول حماته باسبوع

هيما

نعم يا حنان

فيه موضوع عايزة اقولك عليه

خير يا حبيبتى

ماما بتعيط بره

ليه كفى الله الشر حد زعلها

اه ابنك

احمد زعلها فى ايه

بيقولها هانسمى النونه حبيبة راحت معيطه

هى مش عاجبها اسم حبيبة يعنى

ايوه خدت على خاطرها علشان مش هانسمى البنت على اسمها

نعم انتى عايزانى اسمى بنتى سكينه

و مالها سكينه يعنى

حنان بطلى جنان احسن لك سكينة ايه اللى هانسميه للبنت هى كانت عملت لك ايه

يا حبيبى مش لازم ننده لها سكينه نبقى نقولها سكسكه زى ماما

ما نقولها سوكه احسن

اشمعنى انت سميت الولد على اسم ابوك

سميته على اسم ابويا علشان ابويا ميت لو امك ماتت اوعدك ابقى اسمى البنت على اسمها

بعد الشر عليها طبعا

حنان اغزى الشيطان و قولى لامك تعقل و تبطل عياط علشان العياط بيجيب الفقر




و طبعا ابراهيم قضى 4 شهور فى عذاب بسبب حماته و اصحابها اللى كانوا ليل
نهار عندها ده غير برشططة الاخ خالد عليهم كل يوم تقريبا علشان الاكل ده
حتى لما كان ابو العيال بيوحشها كان بيقولها خليكى مكانك و هاجى انا ازورك




المهم جه اليوم الموعود و حانت لحظة وصول المولوده و اول حاجة عملها
ابراهيم انه راح كتبها حبيبة قبل ما حنان تفوق و تضغط عليه يسميها سكينه


و قعدت حماته طبعا للسبوع

و يوم السبوع و حماه ماشى كان ابراهيم مستنى انها تروح معاه

لقاها بتقول لجوزها

معلش بقى يا ابو حنان انا هاقعد مع البنت لحد ما تربعن

و ماله خليكى و اوعى تسيبيها غير لما تبقى زى الفل اربعين خمسين اللى يعجبك
على اقل من مهلك و بعدين خالد خلاص خلص امتحانات يبقى ما تستعجليش

يا لهوووووووووووووى يا امه


قعد ابراهيم يعد الايام و ينام بدرى و يصحى متأخر علشان الاربعين يوم يعدوا بسرعه

و بعد الاربعين يبقى الوضع على ما هو عليه و حماته ما بتمشيش

حنان

ايوه يا هيما

هو مش انتى ربعنتى اول امبارح يا حبيبتى

اه

امال ماما مأنسانا ليه لغاية دلوقتى

قاعده منورانا و ماليه علينا البيت يا حبيبى

ماشى ما اعترضناش بس مش تروح بيتها بقى تنوره شوية

تقصد ايه يا هيما

اقصد ان امك بتسحب نور كتير قوى و فاتورة الكهربا جت غاليه الشهر اللى فات

انت عايزنى اطرد امى يا ابراهيم

لا طبعا بس انتى مش شايفه ان كده كتير

لا مش كتير امى و قاعده معايا بتعرفنى اخلى بالى من البنت ازاى

على اساس انها اول خلفه ليكى على فكرة فيه واد بره مش عارف اتكعبلتى فيه قبل كده و لا لأ

عموما ارتاح هى كده كده كانت بتقول عايزة تروح علشان بيتها و اصحابها وحشوها و بصراحه مش عارفه تاخد راحتها هنا

اه اصحابها اللى كانوا كل يوم هنا

بتبرطم تقول ايه يا ابراهيم

ما باقولش باقول تروح بالسلامه ان شاء الله



و فعلا بعد الكلام ده باسبوع رجع من الشغل لقى حنان و حماته بيعيطوا و
الواد احمد بيتنطط من الفرحه و لو كان يقدر كان كسر وراها زير حتى حبيبيه
كانت بتهيص بايدها و رجلها


خير يا جماعه


ماما ماشية خلاص

ليه بس كده يا طنط و الله هاتوحشينا بس ما تبقيش تتأخرى علينا بقى بس احنا
مش عايزين نتعبك و علشان المشوار انا هابقى اجيب لك حنان و الولاد يقضوا
معاكى يومين كل اسبوع

لأ يا حبيبى ما تتعبهاش انا هابقى يومين هنا و يومين هنا ان شاء الله و الله لولا عمك ما كنتش سيبتكم و بعدين نتيجة خالد النهارده

لأ ازاى و الله ما هانتأخر عليكى ابدا و هانجيلك على طول اقولك هاجيب لك حنان كل يوم بس حضرتك ترتاحى بقى من المشوار و السلم

ربنا يخليك يا هيما


و بيفتح الباب علشان ينزل الشنطه العربيه لقى شنطه بره الباب و خالد واقف جنبها بيعيط

ايه ده فى ايه

انا سقطت يا ماما

حماته راحت راقعه بالصوت الحيانى يالهووووووووووووى

طب ايه الشنطه دى هما بيدوا الملف دلوقتى فى شنطة مش فى ظرف

لا يا ابو نسب اصل عمك عمل معايا الدنيئة و طردنى

طردك ليه ان شاء الله طب و دينى ما انا راجعه له البيت ده تانى قال يطردك
قال بيت اختك مفتوح لك و ربنا يخلى جوزها ادخل يا واد حط شنطتك جوه و غير
هدومك

يا نهار اسود و منيل


ابراهيم طلب حماه و بعلو صوته وقف يكلمه فى الشقه علشان يسمع حماته و ابنها الساقط

باقولك ايه يا راجل انت انت تيجى دلوقتى تاخد مراتك و ابنك الفاشل لحسن و دينى ابعت لك الخمسه حالا

خمسه مين يا ابراهيم

مراتك و ابنك و هابعت لك بنتك و عيالها الاتنين فوق البيعه كمان

بأمارة ايه ان شاء الله

بأمارة ان بنتك طالق

و راح ماسك حنان و رماها و هما وراها

بره بره يا مجنونه يا خلفة المجانين انتى و امك و اخوكى و خدى عيالك معاكى

و قعد يتنطط فى الشقه و بعلو صوته يهتف

طلقتها طلقتها ريحت الناس من شرها هههه
الرجوع الى أعلى الصفحة اذهب الى الأسفل
https://mazika-mix.123.st
MR.ZeZo1
عضو مميز
عضو مميز
avatar


ذكر
مساهماتى : 266
نقــاطـ التميز : : 5528
انا مسجل من : 15/05/2011

خد المجنونة بنت العاقلة و ما تاخدش العاقلة بنت المجنونة Empty
مُساهمةموضوع: رد: خد المجنونة بنت العاقلة و ما تاخدش العاقلة بنت المجنونة   خد المجنونة بنت العاقلة و ما تاخدش العاقلة بنت المجنونة I_icon_minitimeالأربعاء مايو 18, 2011 10:05 am

روووووعة ولله انا موت من الضحك هههههههههههههه
الرجوع الى أعلى الصفحة اذهب الى الأسفل
نونة نونة
شخصية هامة
شخصية هامة
نونة نونة


انثى
الدلو
مساهماتى : 3430
نقــاطـ التميز : : 13921
انا مسجل من : 01/04/2011
عمرى : 28

خد المجنونة بنت العاقلة و ما تاخدش العاقلة بنت المجنونة Empty
مُساهمةموضوع: رد: خد المجنونة بنت العاقلة و ما تاخدش العاقلة بنت المجنونة   خد المجنونة بنت العاقلة و ما تاخدش العاقلة بنت المجنونة I_icon_minitimeالأربعاء مايو 18, 2011 11:19 am

ههههههههههههههههههههه حلوووووة
الرجوع الى أعلى الصفحة اذهب الى الأسفل
رحومة
الـــمشرف الـــعام
الـــمشرف الـــعام
رحومة


انثى
الدلو
مساهماتى : 1220
نقــاطـ التميز : : 8588
انا مسجل من : 02/04/2011
عمرى : 30

خدمات المنتدى
مشاركة الموضوع:

خد المجنونة بنت العاقلة و ما تاخدش العاقلة بنت المجنونة Empty
مُساهمةموضوع: رد: خد المجنونة بنت العاقلة و ما تاخدش العاقلة بنت المجنونة   خد المجنونة بنت العاقلة و ما تاخدش العاقلة بنت المجنونة I_icon_minitimeالأربعاء مايو 18, 2011 5:28 pm

ههههه
روعه
مشكور يآآ غآآلي
الرجوع الى أعلى الصفحة اذهب الى الأسفل
OKAKA
المؤسس

المؤسس
OKAKA


ذكر
العذراء
مساهماتى : 3759
نقــاطـ التميز : : 14652
انا مسجل من : 08/02/2011
عمرى : 28

خدمات المنتدى
مشاركة الموضوع: okaka

خد المجنونة بنت العاقلة و ما تاخدش العاقلة بنت المجنونة Empty
مُساهمةموضوع: رد: خد المجنونة بنت العاقلة و ما تاخدش العاقلة بنت المجنونة   خد المجنونة بنت العاقلة و ما تاخدش العاقلة بنت المجنونة I_icon_minitimeالأربعاء مايو 18, 2011 5:45 pm

يسلموووووووووو علي المرور العطر منورين الموضوع
الرجوع الى أعلى الصفحة اذهب الى الأسفل
https://mazika-mix.123.st
برنسيسة التصميم
عضو مميز
عضو مميز
برنسيسة التصميم


انثى
العقرب
مساهماتى : 573
نقــاطـ التميز : : 6478
انا مسجل من : 11/06/2011
عمرى : 34

خد المجنونة بنت العاقلة و ما تاخدش العاقلة بنت المجنونة Empty
مُساهمةموضوع: رد: خد المجنونة بنت العاقلة و ما تاخدش العاقلة بنت المجنونة   خد المجنونة بنت العاقلة و ما تاخدش العاقلة بنت المجنونة I_icon_minitimeالأربعاء يونيو 29, 2011 5:25 pm

شكرا لك في انتظار جديدك.,
الرجوع الى أعلى الصفحة اذهب الى الأسفل
 
خد المجنونة بنت العاقلة و ما تاخدش العاقلة بنت المجنونة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مزيكا ميكس :: قسم المنتديات العامة :: القسم العام :: قسم المواضيع العامه-
انتقل الى: